Afectados polo caso Marbar na Cañiza tentan por solución a substración de materiais nos pisos que se ven dando nas últimas semanas(www.inforosal.com)

O PPdeG reclama a intervención das Consellería de Traballo e Vivenda para amparar aos traballadores e damnificados polo peche da empresa Marbar
Os afectados polo 'caso Marbar' do Edificio Centro reuníronse o pasado sábado para solicitar información dos propietarios e tentar pór solución á subtracción de materiais dos pisos que veñen dando as últimas semanas, así como para facilitar aos escriturados a posibilidade de vivir alí. Pola súa banda o PPdeG presentou unha iniciativa parlamentar reclamando a intervención das Consellarías de Traballo e de Vivenda.
Co apoio da gran maioría dos afectados polo 'caso Marbar' do Edificio Centro, reunidos o pasado sábado, acordaron crear unha comunidade de veciños, coa idea de organizarse á hora de tomar decisións e facer forza no momento en que faga falta.
Decidiron facer copia das chaves dos portais a cada propietario que forme parte da comunidade e buscar os medios posibles para que a luz siga funcionando -afectados comentaron na reunión que un provedor pensaba cortala esta semana- e a empresa subministradora de gas encha os depósitos para poder ter auga quente en caso de querer vivir no edificio.
Ademais diso, convocouse reunión para o vindeiro sábado día 16 de febreiro ás 12:00 horas para concretar máis e profundar no tema da creación da comunidade.
Iniciativa parlamentar do PPdeG
O PPdeG rexistrou no Parlamento cadansúa iniciativa na que reclama a intervención das consellerías de Traballo e de Vivenda da Xunta para amparar aos 56 traballadores e 300 damnificados afectados polo peche da promotora Marbar, de Tomiño, cuxo propietario está desaparecido desde hai varias semanas.
O deputado popular César Pérez Ares, autor das iniciativas parlamentarias, xunto coa voceira de Vivenda, Pilar Rojo, entende que resulta imprescindible a intervención inmediata da Consellería de Traballo para axudar aos 12 operarios fixos e 44 eventuais cos que contaba Marbar e que, como consecuencia do peche da empresa, quedaron sen ingresos económicos, malia que boa parte deles teñan responsabilidades familiares e se enfrontan a serias dificultades económicas, entre as que se atopan hipotecas e outro tipo de compromisos financeiros.
Ingresos para os traballadores que perderon o emprego
Para canalizar esta axuda, o PPdeG considera que o correcto sería conceder aos traballadores afectados o denominado salario de tramitación, activando as posibilidades que outorga o Fondo de Garantía Salarial. asegurando que os afectados podan dispoñer de ingresos económicos mentres non se completan os trámites pendentes como consecuencia da situación sobrevida na empresa na que prestaban servizo.O mesmo tempo, que se active un Plan Especial de Emprego para recolocar a estos traballadores.
Outros afectados
Paralelamente, e tendo en conta que peche de Marbar, S.L. podería deixar sen casas a arredor de 300 persoas que tiñan apalabrada ou contratada a adquisición dunha vivenda coa promotora, Pérez Ares tamén insta á Xunta a tomar cartas no asunto. Para o PPdeG o desexable sería que, despois de estudar cada caso e as garantías legais que podan existir, a Consellería de Vivenda, de acordo cos afectados, busque posibles alternativas que permitan completar as obras pendentes e entregar as casas aos seus destinatarios.
En opinión de Pérez Ares, o elevado número de proveedores afectados polo peche de Marbar, S.L., co que a empresa deixou contraídas débedas elevadas, unida á intensa crise que afecta aos sector da construción e que pode poñer ao borde da quebra a algunhas destas empresas tamén debería levar á Xunta a estudar medidas de apoio, con axudas e liñas de crédito específicas.